ایکنانیوز- شفقنا- رپورٹ کے مطابق انڈونیشیا کی وزیرخارجہ ’’ریٹنومارسودی ‘‘ نے کہا کہ ان کا ملک اسلامی ممالک کے فوجی اتحاد میں شامل نہیں ہوگا۔ انڈونیشیا کی وزیرخارجہ نے کہا کہ سعودی عرب کے وزیرخارجہ عادل الجبیر نے اس فوجی اتحاد کے متعلق گفتگو کی ہے لیکن انہوں نے مسلم ممالک کے اس فوجی اتحاد کے متعلق کوئی وضاحت نہیں دی ہے۔ انہوں نے کہا انڈونیشیا جیسا مسلم ملک اس فوجی اتحاد کا حصہ نہیں بنے گا۔
یاد رہے کہ سعودی عرب کے وزیر دفاع محمد بن سلمان نے گذشتہ روز ریاض میں ایک پریس کانفرنس میں اعلان کیا تھا کہ دہشتگردی سے مقابلے کیلئے 34 اسلامی ممالک کا ایک فوجی اتحاد تشکیل دیا جارہا ہے اور یہ اتحاد صرف گروہ داعش کی نابودی کیلئے کام نہیں کرے گا بلکہ مختلف اسلامی ممالک میں ہر دہشتگرد گروہ سے مقابلہ کرے گا اور اس اتحاد کا ہیڈ کوارٹر ریاض میں ہوگا۔