"İQNA", "Firat News"-a istinadən xəbər verir ki, Ali Şiə mərcəyi-təqlidinin Nəcəf Əşrəfdəki dəftərxanasından gələn məktubun mətnində bildirilir: "İifadə azadlığına hörmət heç bir halda belə biabırçı əmələ icazə verilməsinə haqq qazandırmır".
Ayətullah Sistaninin dəftərxanasından gələn məktubun mətni belədir:
Bismillahir-Rəhmanir-Rəhim
BMT-nin Baş Katibi Zati-aliləri cənab Antonio Quterreş
Salam və hörmətlə
Mətbuat İsveçdə bir şəxsin İslam dinini təhqir etmək məqsədi ilə Qurani-Kərimin nüsxəsinə hücum edərək onun səhifələrindən birini yandırdığını bildirib.
Bu cür iyrənc davranış son illərdə müxtəlif ölkələrdə dəfələrlə baş verib. Lakin diqqətçəkən məqam odur ki, bu dəfə bu iş, İsveç polisinin rəsmi icazəsi və söz azadlığı bəhanəsi ilə baş verib.
Bir halda ki, söz azadlığına hörmət heç bir şəkildə dünyada iki milyarddan çox müsəlmanın müqəddəslərinə açıq-aşkar hücum olan bu cür biabırçı və ifratçı düşüncələrin və yanlış hərəkətlərin təşviqi üçün əlverişli mühitin yaradılmasına gətirib çıxaran davranışa icazə vermir.
O, bu hərəkəti pisləyərək, BMT-dən oxşar hadisələrin təkrarlanmaması üçün təsirli tədbirlər görməsini və ölkələri bu cür hərəkətlərin baş verməsinə imkan verən qanunları nəzərdən keçirməyə məcbur etməsini istəyib.
Şiələrin Nəcəf Əşrəfdəki ali dərəcəli mərcəyi-təqlidi həmçinin müxtəlif dinlərin ardıcılları arasında dinc yanaşı yaşama dəyərlərinin və hamı arasında hüquqlara riayət etmək və qarşılıqlı hörmətə əsaslanan intellektual yanaşmaların qurulmasına çağırış edib.
4151324