Tehran, 17.01.2016 – Qazaxıstan Elmlər Akademiyasının "Əvəzov adına ədəbiyyat və əlyazmalar institutu" Əhl-Beyt (ə) məktəbini yaymaq hədəfi ilə "Həzrət Əli (ə)" kitabını çap və nəşr etdi.
İQNA-nın
(Beynəlxalq Quran Xəbər Agentliyi) "İslami Mədəniyyət və Əlaqələr
Təşkilatı"nın (İMƏT) xəbər və informasiya portalına istinadla verdiyi
xəbərə görə, İran İslam Respublikasının Almatadakı Mədəniyyət İşlər İdarəsi və Qazaxıstan
Elmlər Akademiyasının "Əvəzov adına ədəbiyyat və əlyazmalar institutu"nun
birgə əməkdaşlığı nəticəsində Əhl-Beyt (ə) məktəbini yaymaq hədəfi ilə
"Həzrət Əli (ə)" kitabı çap və nəşr edildi.
Qazax
dilində yazılmış bu 430 səhifəlik kitabda Qazaxıstan şairlərinin Əmirəl-möminin
Həzrət İmam Əlinin (ə) mədh və tərifində yazdıqları dini və mənəvi şer və
dastanları, İmam Əlinin (ə) tarixdə qalan şücaət, şəhamət və kəramətləri
haqqında məlumatlar yer almışdır.
Bu
kitab Qazaxıstan Elmlər Akademiyasının "Əvəzov adına ədəbiyyat və
əlyazmalar institutu"nun mövcud əlyazmaları əsasında təlif olunmuş,
Qazaxıstanda bu gün istifadə olunan əlifba ilə yazılmış və İran İslam
Respublikasının Almatadakı Mədəniyyət İşlər İdarəsi ilə müştərək bir proqram
əsasında çap və nəşr edilmişdir.