İraqda milli qari və müəzzin yarışları başlayıb
İQNA-nın (Beynəlxalq Quran Xəbər Agentliyi) verdiyi xəbərə görə, İraqın "milli qari və müəzzin yarışları"nın ilkin mərhələsi ölkənin müxtəlif əyalətlərində bu gün (23 Fevral 2019) öz işinə başlayıb.
Bu yarışlar İraqın Kərbəla şəhərinin peyk televiziya kanallarından biri olan "Quran kanalı" vasitəsi ilə "Hüdən Lil-Müttəqin" proqramı adı ilə yayımlanacaq.
Yarışların ilkin mərhələsi bütün yaş qrupları arasında keçiriləcəkdir. Hər əyalətdən 10 nəfər seçilərək Ramazan ayında keçiriləcək final mərhələsində yarışacaqlar. Final mərhələsində isə ilk üç yerin qalibləri mükafatlandırılacaq və habelə hər əyalətin 10 nəfər ən seçilmiş iştirakçısına hədiyyələr təqdim ediləcəkdir.
İraqın milli Qruan və Azan yarışlarında birinci yeri qazanana nağd pul mükafatında əlavə İmam Hüseynin (ə) hərəminin minarəsində Quran qiraət etmək və Azan demək də hədiyyə ediləcəkdir.
