Həcc ziyarətinə getməyin qiyməti dəyişdi
İQNA-nın (Beynəlxalq Quran Xəbər Agentliyi) verdiyi xəbərə görə, Qafqaz Müsəlmanları İdarəsindən (QMİ) İslamazeri.com-a verilən məlumatda bildirilib ki, bu il Həcc ziyarətinin qiyməti 4285 ABŞ dolları təşkil edir.
Ziyarətin ötənilkindən bir qədər baha olması Səudiyyə Ərəbistanında xidmətlərin və otellərin qiymətlərinin bahalaşması ilə əlaqədardır.
Artıq Həcc ziyarətinə sənəd qəbulu başlayıb. Bu il Azərbaycan üçün Həcc ziyarətinə gedənlərin sayı ilə bağlı kvota qoyulmayıb. Belə ki, ziyarətə getmək arzusunda olan bütün insanlar bu arzularını reallaşdıra biləcəklər. Zəvvarlar bu il də, ötən il olduğu kimi, təyyarə ilə yola salınacaq.
Qeyd edək ki, ötən il Azərbaycandan Həcc ziyarətinə getmək üçün 1440 nəfərlik kvota qoyulmuşdu. Həcc ziyarətinin qiyməti isə 4150 dollar təşkil edirdi.
