IQNA

İQNA-nın (Beynəlxalq Quran Xəbər Agentliyi) verdiyi xəbərə görə, bu gün, həftənin Cümə günü, 24 Noyabr 2017-ci il, günorta saatlarında Pakistanın Pişavər şəhərində terror hadisəsi baş verib.

Xəbər mənbələrinin verdiyi məlumata görə, bir neçə saat öncə Pakistanın Pişavər şəhərində bir məscidinin önünüdə terrorist kamikadze özünü partladıb.

İntiharçı terroristin bu hücumu nəticəsində onlarla insan yaralanıb və Əşrəf Nur adında bir polis nəfəri həyatını itirib.

Terror hadisəsi Pişavərin "Həyatabad" qəsəbəsində Zərquni məscidinin önündə törədilib.

Xatırladaq ki, Pişavər şəhəri məşhur Xeybər keçidində, sərhəd regionunda yerləşir və Pakistanın mədəni, siyasi və iqtisadi mərkəzlərindən biri sayılır. Bu regionda yaşayanlar əsasən Pəştulardır.

http://iqna.ir/fa/news/3666433